Foto: Kallxo.com
Shtime, 83-vjeçari ushtron dhunë fizike ndaj gruas së tij
18.11.2021 - 17:24
Policia e Kosovës ka arrestuar një 83-vjeçar nga Shtimja nën dyshimin se ka ushtruar dhunë fizike ndaj gruas së tij.
Viktima 72-vjeçare ka pranuar tretman mjekësor në Qendrën e Mjekësisë Familjare në Shtime.
Ndërsa i dyshuari me vendim të prokurorit është dërguar në mbajtje për 48 orë.
Sipas njoftimit të Policisë, stacioni policor në Shtime sot rreth orës 14:30 ka pranuar informacionin se në rrugën ‘‘Komandant Kumanova’’ në Shtime është një rast i dhunës në familje.
“Menjëherë pas marrjes së informacionit Policia ka dalë në vendin e ngjarjes dhe ka arrestuar personin e dyshuar me inicialet A.A.”, thuhet tutje.