Shtetasi shqiptar thotë se iu vodhën para nga vetura në Shtërpcë

Policia e Kosovës është duke e hetuar një rast të një vjedhje të rëndë që është raportuar të ketë ndodhur dje në Qendrën e Skijimit, në Shtërpcë.

Sipas njoftimit zyrtar policor, viktima që është shtetas i Shqipërisë ka thënë se nga vetura e tij i është vjedhur një shumë parash.

Parat, siç ka thënë viktima kanë qenë në një çantë brenda veturës me targa të Shqipërisë.

E gjithë ngjarja dyshohet të ketë ndodhur rreth orës 17:30, përderisa për ngjarjen është njoftuar edhe prokurori i rastit.