Shtërpcë, tre të lënduar pas shpërthimit të bocës së gazit
14.7.2020 - 11:08
Tre persona kanë pësuar lëndime si pasojë e shpërthimit të një boce të gazit në një shtëpi në Shtërpcë.
Policia ka njoftuar se rasti ka ndodhur mbrëmë rreth orës 19:45, ku si pasojë e shpërthimit një grua dhe dy burra kanë pësuar lëndime trupore.
Sipas njoftimit, të lënduarit janë dërguar në spitalin e Ferizajt për tretman mjekësor, ndërsa rasti po vazhdon të hetohet nga ana e policisë.