Donald Trump - Foto: Rtv21
Shtëpia e Bardhë: Presidenti nuk do t’i drejtohet kombit sonte
Pas sulmeve të Iranit me raketa kundër bazave me amerikanë në Irak, presidenti i Shteteve të Bashkuara ka mbledhur Këshillin e Sigurisë Kombëtare në Shtëpinë e Bardhë.
Më herët kishte informacione se presidenti Donald Trump do t’i drejtohej kombit lidhur me sulmet e Iranit ndaj bazave ajrore irakiane, ku ka ushtarakë amerikanë.
Mirëpo, siç raporton BBC, Shtëpia e Bardhë ka njoftuar se presidenti Trump nuk do t’i drejtohet kombit sonte.
Zyrtarët më të lartë të sigurisë kombëtare, përfshirë Sekretarin e Shtetit, Mike Pompeo dhe Sekretarin e Mbrojtjes, Mark Esper, janë larguar nga Shtëpia e Bardhë, raportojnë mediat amerikane.
Edhe zëvendëspresidenti Mike Pence është larguar.
Dhjetëra raketa janë hedhur drejt bazave ajrore në Irak, ku ka edhe ushtarakë amerikanë, nga Garda Revolucionare e Iranit, si përgjigje ndaj vrasjes së gjeneralit të saj, Qassem Soleimani, nga një dron amerikan, në afërsi të Bagdadit, pak ditë më parë.
https://kallxo.com/lajm/shba-vret-gjeneralin-e-forcave-elite-te-iranit/
