ShSKUK: Spitali i Vushtrrisë nuk ka pacientë me COVID-19
Shërbimi Spitalor Klinik dhe Universitar i Kosovës (ShSKUK), ka bërë të ditur se në Spitalin e Vushtrrisë nuk ka asnjë pacientë që po trajtohen nga COVID-19.
ShSKUK ka njoftuar se në spitalet e tjera dhe klinikat COVID të QKUK-së janë duke u trajtuar 81 pacientë, 29 nga ta të konfirmuar si COVID-19 pozitivë, 55 me oksigjeno-terapi dhe 3 në gjendje të rënduar shëndetësore.
Tutje thuhet se në QKUK janë të shtrirë 61 pacientë, 13 të konfirmuar me Sars Cov-2 pozitivë, 3 në gjendje të rënduar dhe 42 me oksigjeno-terapi.
Ndërkaq, ky është numri i pacientëve të shtrirë sipas klinikave Klinika Infektive, 13 pacientë; Klinika e Pulmologjisë, 29 pacientë+ 19 pacientë post-covid në Klinikën Infektive; Në spitalet e përgjithshme janë të shtrirë 20 pacientë; 16 të konfirmuar pozitivë; 13 me oksigjeno-terapi;
Kurse, numri i pacientëve të shtrirë sipas spitaleve të përgjithshme; Spitali i Prizrenit, 1 pacient; Spitali i Gjakovës, 1 pacient; Spitali i Pejës, 2 pacientë; Spitali i Gjilanit, 15 pacientë; Spitali i Mitrovicës, 1 pacient; Spitali i Vushtrrisë, nuk ka pacientë.