ShSKUK furnizohet me ilaçin "Remdesivir"
15.9.2021 - 15:07
Shërbimi Spitalor Klinik dhe Universitar i Kosovës (SHSKUK) ka njoftuar se është furnizuar me ilaçin “Remdesevir”.
Furnizimi me këtë ilaç, që përdoret për pacientët me COVID-19 është bërë nga Ministria e Shëndetësisë.
SHSKUK potencon se kjo është hera e parë që furnizohen me “Remdesivir” që nga fillimi i pandemisë COVID-19, në Kosovë.
Sipas tyre, nga sot pacientët nuk do të kenë nevojë të blejnë më këtë ilaç.
Ministria e Shëndetësisë ka blerë 7,920 njësi “Remdesivir” që do të shpërndahen nga sot në të gjitha spitalet e përgjithshme dhe në klinikat e QKUK-së.