Shqiptari i vë flakën vetes para Parlamentit Europian
14.1.2020 - 23:16
Një shtetas shqiptar i ka vënë flakën vetes pasditen e sotme përpara Parlamentit Europian në Strasbourg të Francës.
Sipas mediave franceze ai u lye me benzinë e më pas i vuri flakën vetes, raporton oranews.
Stafi i sigurisë dhe zjarrfikësit në detyrë pranë godinës së Parlamentit i erdhën në ndihmë shqiptarit për t’i shuar flakën.
Pavarësisht ndihmës ai pësoi djegie në fytyrë dhe në duar. Autoritetet nuk bëjnë ende me dije se cili ishte shkaku i këtij veprimi si dhe identitetin e tij. Ai kishte me vete një valixhe me pasaportën brenda.
Sipas “DNA.fr” 39 vjeçari shqiptar duhet të largohet nga Franca, pasi të rikuperohet./21Media