Shqipëri, arrestohet shtetasi i Kosovës, i shpallur në kërkim ndërkombëtar

Policia Kufitare e Shqipërisë, në bashkëpunim me Interpol Tirana, ka arrestuar sot në pikën kufitare të Qafë Morinës shtetasin e Kosovës H.H. nga Smolica, i shpallur në kërkim ndërkombëtar.

Siç njofton Policia e Shtetit, 47-vjeçari ishte shpallur në kërkim ndërkombëtar pasi Gjykata Lokale e Geilenkirchen në Gjermani ka vendosur masën e sigurimit ‘Arrest në burg’, për veprën penale “Vjedhja në rrethana rënduese”.

Maksimumi i dënimit për këtë vepër penale është 10 vjet burg.

Në përfundim të veprimeve hetimore, specialistët e Seksionit për Hetimin e Krimit në Komisariatin e Policisë Tropojë bënë arrestimin provizor të tij, me qëllim ekstradimin drejt Gjermanisë, mbështetur në Konventën Evropiane të Ekstradimit.

Do NOT follow this link or you will be banned from the site!