Shpëtohet një alpiniste e aksidentuar në malin e Tomorit

Pjesëtarët e Ministrisë së Mbrojtjes së Shqipërisë sot kanë shpëtuar një alpiniste në malin e Tomorit.

Lajmin për këtë e ka bërë të ditur ministrja e Mbrojtjes, Olta Xhaçka.

Ajo përmes një publikimi në Facebook ka përgëzuar pjesëtarët të cilët kanë shpëtuar alpinisten në një terren me shikim të vështirësuar në lartësi mbidetare mbi 2000 metra.

“Operacion i vështirë por djemtë tanë ia dolën të evakuojnë alpinisten e aksidentuar në malin e Tomorit, në lartësinë 7000 ft dhe në kushtet e shikimit të kufizuar. Bashkëpunim i shkëlqyer i pilotëve të Forcës Ajrore me grupin e mjekëve të Qendrës Kombëtare të Urgjencës Mjekësore”, ka shkruar Xhaçka.