Shpërthimi në Pejë, Policia konfiskon një armë zjarri në vendin e ngjarjes

Policia e Kosovës ka njoftuar se dy të dyshuar janë duke u trajtuar në Qendrën Klinike Universitare të Kosovës (QKUK) pasi dyshohet se si pasojë e një shpërthimi ata kanë pësuar lëndime trupore. 

Sipas njoftimit të Policisë, rasti ka ndodhur në rrugën “Halil Agusholli”, në Pejë, më 13.08.2024, rreth orës 20:00.

Policia ka dalur në vendin e ngjajres dhe ka konfiskuar një armë zjarri.

“Në vendin e ngjarjes si provë materiale është gjetur dhe konfiskuar një armë zjarri me tre karikator dhe 30 copë fishekë/plumba dhe dyshohet  se arma është pronë e të dyshuarëve” – thuhet në njoftimin e Policisë, më 15.08.2024.

Rasti është inicuar si ‘Shkaktim i rrezikut të përgjithshëm’ dhe ‘Armëmbajtje pa leje’ dhe është duke u hetuar.