Shpërthim në një minierë në Turqi, 28 të vdekur
Të paktën 28 persona kanë vdekur dhe dhjetëra mbeten të bllokuar nën tokë pas një shpërthimi në një minierë qymyri në provincën Bartin të Turqisë veriore.
Rreth 110 persona ishin në minierë në kohën e shpërthimit të premten, pothuajse gjysma e tyre në mbi 300 metra thellësi.
Ministri i Shëndetësisë i Turqisë, Fahrettin Koca tha se 11 persona ishin shpëtuar dhe po trajtoheshin, raporton BBC.
Ekuipazhet e urgjencës punuan gjatë natës, duke gërmuar nëpër shkëmb në përpjekje për të arritur më shumë të mbijetuar.
Pamjet tregojnë minatorët që dalin të nxirë dhe me sy të zymtë të shoqëruar nga shpëtimtarët në objektin në Amasra, në bregun e Detit të Zi.
At least 2 people died and 20 injured in a mine explosion in #Bartın in northern Turkey, health minister said. Dozens are still trapped in the mine. Reason of the blast yet unknown pic.twitter.com/xVWmQNpfbZ
— Selin Girit (@selingirit) October 14, 2022
Familja dhe miqtë e të zhdukurve mund të shiheshin gjithashtu në minierë, duke pritur me ankth lajmet për të dashurit e tyre.
Shpërthimi besohet të ketë ndodhur në rreth 300 metra thellësi. Rreth 49 njerëz po punonin në zonën e “rrezikshme” midis 300 dhe 350 metra nën tokë, tha Ministri i Brendshëm, Suleyman Soylu.
Ende nuk dihet shkaku i shpërthimit, ndërsa prokuroria vendase ka nisur hetimet.
Ndryshe, fatkeqësia më e madhe e minierave të qymyrit në shtetin turk ndodhi në vitin 2014, kur 301 njerëz vdiqën pas një shpërthimi në qytetin perëndimor të Soma. /Telegrafi
#BREAKING #Bartin: At least 14 killed in coalmine blast in northern #Turkiey‘; @pakustv #NYC #explosion #blacksea #Turkish pic.twitter.com/IBUahdYLVU
— Ali Chouhdary (@AliChouhdary81) October 14, 2022
