Shpërthen zjarri në kuzhinën e pompës së derivateve

Një incident zjarri ka ndodhur pasditen e djeshme brenda një pompe të derivateve në fshatin Shkabaj të Obliqit.

Sipas njoftimit të bërë nga ana e policisë, raportohet se si pasojë e një defekti elektrik, ka shpërthyer zjarri në kuzhinën e pompës së derivateve.

Në vendin e ngjarjes kanë dalur njësitet përkatëse, ndërsa ekipi i zjarrfikësve ka lokalizuar zjarrin.

Përveç dëmeve materiale, nuk raportohet për ndonjë person të lënduar në këtë incident.