Shkon në tre numri i viktimave nga aksidenti tragjik në Milot-Mamurras
19.5.2021 - 10:09
Thellohet bilanci i viktimave të aksidentit tragjik në aksin rrugor Milot-Mamurras. Policia bën me dije se ka gjetur trupin e pajetë të një personi të tretë që udhëtonte në mjetin tip “Toyota”.
Viktima është identifikuar si shtetasi Nikoll( Dritan) Gjoni, banues në fshatin Gjegjan, Pukë. Trupi i pajetë u gjet pas kërkimeve intensive nga polumbarët.
Nga aksidenti humbën jetën edhe shtetasit Saber Dunga 45 vjeç, banues në Durrës dhe Urim Pepa,39 vjeç, banues në Tiranë.
Ngjarja u regjistrua pak pas mesnatës. Mjeti tip “Toyota”, i cili po udhëtonte drejt Fushë Krujës ka humbur kontrollin, duke dalë nga rruga dhe ka rënë në një kanal me ujë. oranews