Shkodër, xhaxhai vret aksidentalisht me çifte nipin 10-vjeçar

Një ngjarje e rëndë ka ndodhur mbrëmjen e sotme në Samrisht të Shkodrës, ku një fëmijë 10-vjeçar është vrarë me armë.

Gazetari Klodian Zhivani bën të ditur për “Top Channel”, se i mituri me iniciale B. J., rreth 10 vjeç, është qëlluar aksidentalisht nga xhaxhai i tij teksa ky i fundit po pastronte çiften.

I mituri ka marrë plagë të rënda duke ndërruar jetë në vend.

Nga e shtëna aksidentale është plagosur në dorë dhe vetë xhaxhi, por ndodhet jashtë rrezikut për jetën.

Në vendngjarje po shkon grupi hetimor, nën drejtimin e Prokurorisë, për kryerjen e veprimeve dhe zbardhjen e plotë të rrethanave të ngjarjes./Top Channel