Tubimi i AAK-se ne Istog
Shkelje e masave kundër COVID-19 edhe nga AAK-ja
08.2.2021 - 21:15
Ndonëse sipas Ligjit për parandalimin dhe luftimin e pandemisë COVID-19 nuk lejohen tubime të më shumë se 30 personave në ambiente të mbyllura, kjo nuk po vlen për partitë politike.
Me shpalljen e ditës së zgjedhjeve subjektet politike kanë nisur tubimet e tyre elektorale me simpatizantë e aktivistë të tyre.
Aleanca për Ardhmërinë e Kosovës fushatën e saj zgjedhore sot e ka vazhduar në Istog e Klinë. Në tubimet e AAK-së në këto qytete nuk janë respektuar masat kundër COVID-19.
Në fotografitë e publikuara nga kjo parti mund të shihen një numër i madh personash në ambiente të mbyllura si dhe pa maska dhe distancë.
KALLXO.com raportoi për shkeljen drastike të masave nga LDK-ja me tubimet e saj në Lipjan dhe Podujevë.