Ismet Temaj, ushtrues i detyrës së rektorit të Universitetit të prizrenit "Ukshin Hoti".
Shkarkohet rektori i Universitetit të Prizrenit
Ismet Temaj është shkarkuar nga pozita e rektorit të Universitetit të Prizrenit “Ukshin Hoti”.
Shkarkimi i Temajt është bërë në Këshillin Drejtues të Universitetit me pesë vota pro, një kundër dhe një abstenim.
“Në mbledhjen e mbajtur më 6.7.2021, Këshilli Drejtues i Universitetit “Ukshin Hoti” në Prizren, me votim të fshehtë, me 5 vota pro, një kundër dhe një abstenim, shkarkoi nga detyra Rektorin e Universitetit Prof. Asoc. Dr. Ismet Temaj”, thuhet në njoftimin e Universitetit.
KALLXO.com ditë më parë kishte raportuar së është iniciuar shkarkimi i rektorit të Universitetit të Prizrenit.
Këshillit drejtues i UPZ-së më 22 maj 2018 në rundin e dytë të votimeve kishte zgjedhur profesorin Ismet Temaj rektor të këtij Universiteti.
Zgjedhja e rektorit, fundi i odisesë 1-vjeçare
