Qendra Korrektuese në Lipjan - Foto: KALLXO.com
Shkarkohet Drejtori i Qendrës Korrektuese për të mitur në Lipjan
02.12.2021 - 18:33
Ministria e Drejtësisë ka shkarkuar drejtorin e Qendrës Korrektuese për të mitur në Lipjan, Isuf Iberdemaj.
Lajmin për KALLXO.com e ka konfirmuar, Florent Gashi nga Shërbimi Korrektues i Kosovës.
“Po, për shkarkimin e z. Iberdemaj, është njoftuar edhe SHKK, për më shumë info ju lutem kontaktoni me Ministrinë e Drejtësisë”, tha ai.
KALLXO.com ka provuar të kontaktoj edhe me zëvendësministrin e drejtësisë, Blerim Sallahu por që deri në publikimin e këtij artikulli, nuk ka kthyer përgjigje.
Në vendimin e siguruar nga KALLXO.com thuhet se Iberdemaj ka lejuar daljen dhe përcjelljen e njërit nga të burgosurit në Qendrën Korrektuese për të mitur në Lipjan pa shkresë zyrtare por vetëm me komunikim gojor.