Shkarkime në Telekom, menaxherë të lartë largohen nga pozita
16.10.2019 - 14:36
Së paku pesë persona në divizionin e shitjes në Telekomin e Kosovës janë shkarkuar me vendim të Kryeshefit të kësaj ndërmarrje.
Bedri Istrefi e ka konfirmuar për KALLXO.com se ka shkarkuar dy Zëvendësdrejtorë të Departamentin e Shitjes, Blerim Zogaj dhe Driton Halili.
Ai tha se e ka shkarkuar edhe menaxherin e regjionit të Prishtinës, Përparim Përveticën.
Nga Telekomi janë larguar edhe dy menaxherë të lartë në zyrën e Kryeshefit, Arben Shabani dhe Arsim Bilalli.
“Nuk i kanë përmbushur objektivat”, tha Istrefi.
Ai paralajmëroi se do të ketë edhe shkarkime të reja nga kjo ndërmarrje.
Dje KALLXO.com raportoi se Telekomi i Kosovës i ka ndërprerë mbi 80 kontrata mbi vepër.