Shfaqja “Hisja e Diellit" transmetohet sot në livestream
Shfaqja “Hisja e Diellit” shfaqet sot në ora 21:00 në formatin livestream, njofton Teatri Kombëtar i Kosovës.
Komedia është prodhim i Teatrit të Mitrovicës “Muharrem Qena” me autor Fadil Kraja dhe regjisor Bruno Shllaku .
Shfaqja i kushtohet heroit kombëtar Isa Boletini, ku autori përshkruan takimin e tij me ambasadorin anglez në Londër, i cili kërkon të drejtat e shqiptarëve për formimin e shtetit shqiptar dhe vuajtjet e shqiptarëve nga pushtuesit serbosllav.
Bruno Shllaku luan rolin e Isa Boletinit, ndërsa në rolet tjera luajnë: Fisnik Istrefi, Paskalina Shllaku, Artan Hetemi, Fatmir Haliti, Njomza Tmava, Furtuna Barani, Bedri Selmani, Destan Hoti, Artmir Haziraj, Abide Ujkani, Nora Kelmendi, Nexhide Hasani, Mirëlinda Sadiku, Rona Tmava, Rina Tmava.