Shfaqja 'Harroje Hollywood-in’ premierë në Teatrin ‘Dodona’
Teatri i Qytetit të Prishtinës shfaq sot në mbrëmje premierën e shfaqjes “Harroje Hollywood-in”, të Miro Gavran me regji të Faik Gashit.
Shfaqja “Harroje Holliwood-in’ jepet në ora 19:30, dhe sjellë përpjekjet e vazhdueshme të Mathew për të realizuar ëndrrën e tij për tu bërë aktor.
Mathew për tu regjistruar në akademi, gjen adresën e profesorit Gabriel dhe e lutë që ta përgatisë për provimin pranues.
Gjatë përgatitjeve në kurs, ëndrra e tij vihet në dilemë të madhe. Edhe pas përgatitjes me një profesionist, nuk pranohet, por kësaj radhe i buzëqeshë fati, arrin ta fitojë audicionin për rol kryesor në një produksion Hollywoodi!
Në shfaqja luajnë: Hazir Haziri dhe Besar Zahiti.
Realizimi i shfaqjes është mbështetur nga Ministria e Kulturës, Rinisë dhe Sporteve dhe Komuna e Prishtinës.