Shërbimi Korrektues zbut masat ndaj COVID-19, lejohet vikendi për të dënuarit

Shërbimi Korrektues i Kosovës ka njoftuar se nga data 25 janar do zbusë masat mbrojtëse ndaj COVID-19 duke lejuar vikendet për të dënuarit që i plotësojnë kushtet.

Kurse, pas kthimit, të burgosurit do i kthehen karantinimit për një javë.

Në njoftim tutje theksohet se zbutja e këtyre masave është bërë në bashkëpunim me Departamentin Shëndetësor të Burgjeve.

Më poshtë keni njoftimin e plotë të SHKK-së:

“Shërbimi Korrektues i Kosovës njofton opinionin publik se nga data, 25 janar 2021, do të filloi lejimin e vikendeve për të dënuarit.

Si masë lehtësuese do të vazhdohet lejimi i vikendeve për të dënuarit, të cilët i plotësojnë kushtet.

Në pushim jashtë institucionit, në të njëjtën kohë, fillimisht do të lejohet një numër i kufizuar i të dënuarve.

Pas kthimit nga pushimi, të gjithë të burgosurit do t`i nënshtrohen fazës se karantinimit në periudhë kohore prej së paku 7 ditësh.

Shërbimi Korrektues i Kosovës ka filluar lehtësimin e masave në bashkëpunim me Departamentin Shëndetësor të Burgjeve.

Shërbimi Korrektues i Kosovës do të vazhdojë bashkërendimin institucional me institucionet relevante të Republikës së Kosovës dhe do të mbajë të informuar opinionin publik rreth hapave në vazhdim.”