Shembje dheu në Prishtinë, arrestohet një person

Në afërsi të Pallatit të Drejtësisë është shembur dheu në rrugë dhe paraqet rrezik për zhvillim të trafikut.

Inspektorët komunalë për ndërtim kanë vendosur shirita sigurues dhe rruga mbetet e bllokuar derisa të evitohet rreziku.

Rasti është raportuar dje rreth orës 15:00 në Prishtinë.

Ndërkohë, policia ka njoftuar se ka arrestuar pronarin e objektit që ka shkaktuar rrezikun e përgjithshëm.

Me vendim të prokurorit kujdestar, i dyshuari ndalohet në mbajtje për 48 orë.