Shembet ura në Dobërdol të Podujevës
Sot gjatë ditës është raportuar për shembjen e urës në fshatin Dobërdol të Komunës së Podujevës.
Asamblisti nga LDK në këtë komunë, Qendrim Softolli ka publikuar disa fotografi në të cilën shihet ura e shembur.
Pas kësaj ka reaguar Komuna e Podujevës e cila ka njoftuar se kanë angazhuar kompani për vendosjen e një ure alternative për të mundësuar qarkullimin e qytetarëve në këtë zonë.
“Pas marrjes së informacionit për shembjen e urës në fshatin Dobërdol, Komuna e Podujevës ka angazhuar menjëherë një kompani për vendosjen e një ure alternative për t’ju mundësuar qarkullimin e qytetarëve të asaj zone. Në planifikimet e Drejtorisë për Shërbime Publike është i planifikuar ndërtimi i Urës së re për banorët e asaj zone, derisa të bëhet ndërtimi i urës së re qytetarët mund ta shfrytëzojnë për qarkullim urën alternative”, bënë të ditur Komuna.
