Shëmbet nga vërshimet ura në Hajnoc të Kamenicës
11.1.2021 - 11:07
Ura në fshatin Hajnoc e cila lidh fshatrat Krilevë dhe Strezoc në Komunën e Kamenicës është shembur si pasojë e reshjeve të shiut të cilat janë rritur ditëve të fundit.
Qytetarët kanë dërguar në KALLXO.com foto të kësaj ure e cila është në rrugën kryesore që lidhë këto fshatra.
Sipas qytetarëve ura nuk mund të kalohet me automjete e as në këmbë për shkak që është rritur shumë sasia e ujit që kalon nën këtë urë.
Në Kosovë pas rritjes së reshjeve të shiut dhe borës shumë komuna janë duke u përballur me përmbytje.