ShBA: Urdhri i alarmit bërthamor të Putinit, pjesë e modelit të kërcënimeve të sajuara

Urdhri i presidentit rus, Vladimir Putin, për të vënë forcat bërthamore ruse në gatishmëri të lartë është pjesë e një modeli të kërcënimeve të prodhimit të Moskës për të justifikuar agresionin, tha të dielën sekretarja e shtypit e Shtëpisë së Bardhë, Jen Psaki.

“Ne e kemi parë atë të bëjë këtë herë pas here. Rusia në asnjë moment nuk ka qenë nën kërcënimin e NATO-s, nuk ka qenë Rusia nën kërcënim nga Ukraina. E gjithë kjo është një model nga presidenti Putin dhe ne do t’i rezistojmë. Ne kemi aftësinë të mbrohemi, por gjithashtu duhet të thërrasim atë që po shohim këtu nga presidenti Putin”, tha Psaki në programin “This Week” të ABC.

Sot, presidenti rus Vladimir Putin ka urdhëruar që forcat e parandalimit të vendit të tij – që përfshijnë armët bërthamore – të vendosen në gatishmëri të lartë.

Sot, është dita e katërt e agresionit rus në Ukrainë – lufta e parë e madhe tokësore në Evropë në dekada./REL