Njesite policore
ShBA: Kosova dhe Serbia të ulin tensionet në veri
Shtetet e Bashkuara të Amerikës, kanë kërkuar nga Kosova dhe Serbia që të ulin tensionet e mëtejshme, pas vendimit të Qeverisë së Kosovës që të zbatojë masë reciprociteti për automjetet me targa të Serbisë.
Ambasada e ShBA-së në Prishtinë përmes një postimi në Twitter ka shkruar se i bashkohet thirrjeve të Bashkimit Evropian
“Shtetet e Bashkuara i janë bashkuar thirrjeve të Bashkimi Evropian që Kosova dhe Serbia të përmbahen nga veprimet e mëtejshme dhe të njëanshme dhe të ndërmarrin masa, në mënyrë që të ulen tensionet menjëherë”, thuhet në reagim.
Sot, Qeveria e Kosovës ka filluar zbatimin e masës së reciprocitetit për targat e automjeteve nga Serbia.
Pas këtij vendimi, qytetarët serbë të Kosovës janë grumbulluar në pikën kufitare në Jarinje duke bllokuar rrugët për qarkullim.
Ministria e Punëve të Brendshme ka njoftuar se nga nesër qytetarët mund të pajisen me leje të përkohshme për targa në të gjitha qendrat e regjistrimit të automjeteve.
MPB-ja tregon mënyrën e pajisjes së qytetarëve me leje të përkohshme për targat
.