Senatorët amerikanë i shkruajnë letër Osmanit dhe Kurtit
Senatorët amerikanë Jeanne Shaheen, Maggie Hassan dhe kongresistët Annie Kuster dhe Chris Pappas i kanë dërguar letër presidentes Vjosa Osmani dhe kryeministrit Albin Kurti, si shenjë falënderimi për strehimin e afganëve në Kosovë.
Presidentja Vjosa Osmani, përmes një shkrimi në rrjetin social ‘Twitter’ i ka falënderuar senatorët dhe kongresistët për vlerësimin, duke shkruar se Kosova dhe SHBA-ja ndajnë vlera dhe qëllime të përbashkëta.
“Faleminderit Senatorëve, Shaheen e Hassan dhe kongresmenëve Kuster dhe Pappas për letrën dhe vlerësimin. Republika e Kosovës dhe Shtetet e Bashkuara të Amerikës janë të lidhura me vlera të përbashkëta dhe qëllime të përbashkëta. ShBA-ja mund të llogarisë në përkrahjen tonë në të ardhmen”, ka shkruar Osmani.
