Rrotullohet vetura në Sllatinë, dyshohet për pasoja fatale

Një vetaksident ka ndodhur mbrëmjen e sotme, më 29.08.2024 afër fshatit Sllatinë, drejtimi Prishtinë-Pejë.

Një veturë në të cilin gjendshin pesë persona dyshohet se ka humbur drejtimin dhe është rrotulluar.

Lajmi për KALLXO.com është konfirmuar nga zëdhënësi i Policisë së Kosovës, Daut Hoxha.

Hoxha ka thënë se Policia me të marr informatën ka reaguar në lokacion dhe janë njoftuar ekipet tjera emergjente dhe zjarrfikësit.

“Sipas informatave fillestare dyshohet se përveç lëndimeve të rënda trupore raportohet edhe për pasoja fatale në këtë rast” – tha zëdhënësi.

Ai shtoi se autoritetet ndodhen në vendin e ngjarjes dhe po kryejnë hetime, përderisa për detaje të tjera Policia do të njoftojë pas raportimeve shtese nga zyrtaret nga vendi i ngjarjes.