Rrokulliset vetura në rrugën Kllokot – Viti, vdes një person

Një person ka vdekur pas një vetaksidenti që ka ndodhur më 01.11.2024, rreth orës 01:15 (pas mesnate) në aksin rrugor Kllokot-Viti.

Pasagjeri i veturës ka vdekur si pasojë e këtij vetaksidenti, ndërsa shoferi është duke u trajtuar ende në Spitalin Rajonal në Gjilan.

Lajmi për KALLXO.com është konfirmuar nga zëdhënësi i Policisë së Kosovës për rajonin e Gjilanit, Ismet Hashani.

Hashani ka thënë se dyshohet se ngasësi i automjetit me targa vendore ka humbur kontrollin mbi automjetin, ka dalë jashtë rrugës dhe është rrokullisur.

“Si pasojë pasagjeri i mjetit nga lëndimet e marra ndërron jetë në vendin e ngjarjes, vdekjen e të cilit e ka konfirmuar mjeku. Po ashtu drejtuesi i mjetit pëson lëndime trupore për të cilat është duke u trajtuar në Spitalin Rajonal në Gjilan” – tha Hashani.

Tutje ai shtoi se trupi i viktimës me urdhër të Prokurorit të Shtetit është dërguar në Institutin e Mjekësisë Ligjore për obduksion ndërsa vozitësi do të dërgohet në mbajtje.