Rritet numri i të infektuarve që kanë nevojë për trajtim spitalor
Shërbimi Spitalor Klinik dhe Universitar i Kosovës ka njoftuar se është duke trajtuar 179 pacientë të infektuar me coronavirus.
Ky numër po rritet ndjeshëm nga dita në ditë. Vetëm në 24 orët e fundit janë pranuar për trajtim 22 të infektuar.
Sipas ShSKUK-së, prej tyre 177 janë të konfirmuar me Covid-19 dhe 2 pacientë të negativizuar nga Covid-19.
Me oksigjeno-terapi janë 119 pacientë, kurse në Mjekimin Intensiv të Klinikës Infektive janë të shtrirë 5 pacientë.
Në Klinikën Infektive janë duke u trajtuar 71 pacientë, në mjekim intensiv në Klinikë Infektive 5 pacientë, në klinikën e Pediatrisë 10 pacientë, në klinika Obstetrike Gjinekologjike 11 pacientë.
Kurse në Spitalet e Përgjithshme Regjionale po trajtohen gjithsej 81 pacientë.
Spitali i Gjakovës, 21 pacientë, Spitali i Pejës, 11 pacientë, Spitali i Prizrenit, 8 pacientë, Spitali i Mitrovicës, 15 pacientë, Spitali i Ferizajt, 9 pacientë dhe Spitali i Gjilanit, 17 pacientë.
Kujtojmë se në dy javët e fundit ka pasur rritje enorme të rasteve pozitive me COVID-19.
Sipas Institucioneve, të cilat vazhdimisht po bëjnë thirrje për vaksinimi, ata që tashmë kanë marrë dy dozat e vaksinës po e kalojnë më lehtë infeksionin.