Rrëzohen "kungjat" e Shpend Ahmetit
25.2.2020 - 21:23
Pengesat për ndalimin e parkimit në trotuare janë rrëzuar në rrugën “Eqrem Çabej” në Prishtinë.
Një qytetar ka dërguar fotografi në adresë të KALLXO.com në të cilat shihen të rrëzuara katër shtylla anti-parking, duke lehtësuar kështu parkimin e automjeteve.
Në pamje shihet se një veturë është parkuar në këtë trotuar, përkatësisht afër parkut rekreativo-sportiv.
Kryetari i Prishtinës, Shpend Ahmeti, që nga fillimi i qeverisjes është njohur për vendosjen e barrierave në rrugë duke mos lejuar parkimin e veturave në trotuare dhe ndalimin e këmbësorëve për kalimin e rrugës në vende të ndaluara.
Këto janë fotografitë e dërguara nga qytetari.