Ilustrim
Rrahje në parkingun e marketit në Bardhosh, arrestohen gjashtë persona
30.11.2020 - 09:55
Policia e Kosovës ka njoftuar se mbrëmjen e së shtunës, në fshatin Bardhosh në Prishtinë, janë arrestuar gjashtë persona të dyshuar nën dyshimet për përfshirje në një rrahje.
Sipas policisë, rreth orës 19:50, është bërë arrestimi i të dyshuarve të cilët për shkaqe ende të panjohura, në parkingun e një marketi janë përfshirë në një rrahje.
Si pasojë e rrahjes, dy prej të dyshuarve, kanë pësuar lëndime trupore, dhe kanë marrë tretman mjekësor në QKUK.
Në lidhje me këtë rast është konfiskuar një veturë dhe një qelës mekanik i rrotave që dyshohet se ishte përdorur në rast nga të dyshuarit.
Me vendim të prokurorit, të gjithë të dyshuarit janë dërguar në mbajtje.