Foto: KALLXO.com Ilustrim
Rrahën vajzën e mitur pasi mësuan se ishte në një lidhje dashurie
21.1.2023 - 09:38
Dy persona janë arrestuar nga policia nën dyshimin se i kanë shkaktuar lëndime trupore një të miture.
Viktima e mitur ka raportuar në polici më 19 janar rreth orës 20 në Vushtrri, se ishte në një lidhje dashurie me një djalë për çka babai dhe vëllai i saj kanë qenë kundër.
Në lidhje me rastin është njoftuar edhe zyrtari i Qendrës për Punë Sociale.
Të miturës i është ofruar edhe tretmani mjekësor dhe më pas është vendosur në strehimore.
Të dyshuarit pas intervistimit me vendim të prokurorit, janë liruar në procedurë të rregullt.