Rikthehet Armend Rexhepagiqi
25.2.2021 - 16:14
Këngëtari Armend Rexhepagiqi rikthehet në skenën e muzikës me një koncert të titulluar “Edhe një herë.”
Rexhepagiqi do të mbajë koncert të dielën nga ora 20:45 në Klan Area, të përgatitur nga kompozitori Florent Boshnjaku.
Ministria e Kulturës, Rinisë dhe Sportit ka njoftuar se ky koncert është organizuar me përkrahjen e tyre.
Ministrja Vlora Dumoshi, tha se projekte të këtilla nëpërmjet të cilave përçohen vlerat e mirëfillta, është kënaqësi dhe detyrim i institucionit që t’i përkrah.
“Përmes këtyre vlerave të mirëfillta kulturore, përpos që i ruajmë ato, ne përpiqemi që t’i risjellim në kujtesë edhe për të ringjallur nostalgjinë”, ka thënë Dumoshi.