Rihapet ambulanca në një fshat të Klinës
24.7.2020 - 16:19
Ambulanca mjekësore në fshatin Leskoc të Klinës është rihapur dhe nga sot do të jetë në shërbim të banorëve të këtij lokaliteti, thuhet në njoftimin e komunës.
Kjo ambulancë do të veprojë në të njëjtin objekt ku kishte funksionuar edhe më herët dhe do të jepen shërbime infermierie çdo ditë.
Sipas kryetarit të komunës Zenun Elezaj, rifunksionalizimi i kësaj ambulance është bërë me qëllim të ofrimit të shërbimeve më të mira mjekësore për banorët e këtij lokaliteti
Bazuar në njoftim, Qendra Kryesore e Mjekësisë Familjare në Klinë ka angazhuar tri ekipe me mjekë dhe infermierë për trajtimin e personave të konfirmuar me virus dhe personave të dyshuar, të cilët do të bëjnë vizita mjekësore nëpër shtëpi.