COVID-19 Ilustrim - Naser Fejza
Rezultatet e fundit me COVID-19, asnjë i vdekur, 18 raste pozitive
Asnjë rast i vdekjeve me COVID-19 nuk është regjistruar gjatë 24 orëve të fundit në Kosovë, përderisa nga 2,325 testime vetëm 18 kanë rezultuar pozitiv me SARS-CoV02.
Instituti Kombëtar i Shëndetësisë Publike poashtu ka njoftuar se 239 persona janë shëruar nga infeksioni COVID-19.
Tutje, thuhet se 1,822 raste janë ende aktive me SARS-CoV-2.
“Sot janë shëruar 239 qytetarë, derisa numri i përgjithshëm i të shëruarve është 103,382”, thuhet në njoftimin e Institutit.
Deri më tani në Kosovë me COVID-19 janë infektuar 107,447 qytetarë, përderisa 2,243 prej tyre kanë vdekur si dhe 103,382 janë shëruar.
Brenda 24 orëve në Kosovë janë vaksinuar 2,595 qytetarë ndërsa në total numri i të vaksinuarve ka arritur në 69,686.
Sot ka filluar vaksinimi me dozën e dytë i stafit shëndetësor në nivel vendi.