Rekrutimi i 22 prokurorëve të rinj, testohen 238 kandidatë

Këshilli Prokurorial i Kosovës organizoi mbajtjen e testit me shkrim për rekrutimin e 22 prokurorëve të rinj të shtetit në Akademinë e Kosovës për Siguri Publike në Vushtrri.​

Në këtë proces morën pjesë 238 kandidatë, prej tyre pesë nga komunitetet joshumicë dhe 93 kandidate gra/vajza.

“Fillimisht, në prani të monitoruesve, sot, në ditën e mbajtjes së këtij testi, Komisioni për Rekrutimin e Prokurorëve të Shtetit hartoi Testin me Shkrim për kandidatët” – thuhet në njoftimin e KPK-së.

Kryesuesi i Këshillit Prokurorial të Kosovës, Jetish Maloku, i shoqëruar nga anëtarët e tjerë të Komisionit për Rekrutimin e Prokurorëve të Shtetit, si kryetar i këtij komisioni e ka mbikëqyrur rrjedhën e plotë të mbajtjes së testit.