Rastet e reja me COVID-19 në Kosovë janë nga këto komuna
09.5.2020 - 23:51
Instituti Kombëtar i Shëndetësisë Publike të Kosovës ka bërë të ditur se sot në Kosovë janë konfirmuar 8 raste të reja me COVID-19 dhe se janë shëruar 31 pacientë.
Sipas IKShPK-së, rastet pozitive janë raste kontakti. Prej tyre 3 janë në Prishtinë, 2 në Mitrovicë dhe me nga 1 rast vendbanimet: Llazarevë në Obiliq, Fushë Kosovë dhe Gjilan.
Deri më tani në Kosovë janë konfirmuar 870 raste pozitive me coronavirus, janë shëruar 653 dhe kanë vdekur 28 pacientë.
.