Raportohet e zhdukur një vajzë e mitur nga Gjakova
21.3.2020 - 12:37
Një vajzë e mitur është zhdukur, ka bërë të ditur Policia e Kosovës në raportin 24 orësh.
Sipas tyre rasti ka ndodhur në fshatin Damjan të Gjakovës, dy ditë më parë rreth orës 11:00.
Një grua ka raportuar se vajza e saj e mitur ka dalë nga shtëpia dhe nuk dihet vendndodhja e saj.
Sipas ankueses vajza e saj fillimisht kishte biseduar me telefon me një person e më pas kishte hipë në një veturë të panjohur dhe ishte larguar nga shtëpia.