Raportohen tri raste të vdekjeve në rrethana të dyshimta

Policia e Kosovës ka njoftuar për tri raste të vdekjeve, të cilat i ka konsideruar të dyshimta, në disa lokacione të ndryshme. 

Në Lipjan, raportohet se një burrë është gjetur pa shenja jete, të martën më 17.09.2024. 

Siç njofton Policia, ekipi mjekësor e ka konstatuar vdekjen e viktimës, ndërsa me vendim të prokurorit, trupi i pajetë është dërguar në Institutin e Mjekësisë Ligjore për obduksion. 

Po ashtu në Lipjan, Policia ka njoftuar se një burrë ka raportuar se në tavanin e shtëpisë e kishte gjetur pa shenja jete babain e tij.

Në rapotin e Policisë thuhet se ekipi mjekësor e ka konstatuar vdejken e  viktimës në vendin e ngarjes dhe me vendim të prokurorit trupi i pajetë është dërguar në IML për obduksion

Rasti raportohet të ketë ndodhur më 17.09.2024. 

Policia ka njoftuar edhe për një rast të vdekjes së dyshimtë në Prishtinë, më 17.09.2024.

Sipas Policisë, një grua është gjetur pa shenja jete në banesën e saj.  

Në vendin e ngjarjes kanë dalur ekipet policore dhe pasi është konstatuar vdekja e viktimës nga ekipi mjekësor, trupi i pajetë, me vendim të prokurorit është dërguar në IML për obduksion.