Raporti i Progresit: RTK mbetet e ndikuar nga politika
Në Raportin e Progresit nga Komisioni Evropian thuhet se transmetuesi publik i Kosovës, RTK, është i ndikuar nga politika dhe se duhet të gjendet një zgjidhje e qëndrueshme për financimin e tij.
“Transmetuesi publik mbetet i prekshëm nga ndikimi politik dhe se duhet gjetur një zgjidhje e qëndrueshme për financimin e tij” thuhet në Raport.
Sipas Raportit, financimi i drejtpërdrejtë i RTK-së nga shteti minon pavarësinë e saj, dobëson qëndrueshmërinë e saj afatgjatë dhe është e cenuar nga ndikimi politik.
Komisoni sheh të meta te RTK-ja që nga rekrutimi i punonjësve deri te niveli i transmetimit.
“Mangësitë e RTK-së duhet adresuar duke përfshirë rekrutimin jo të bazuar në merita, shpërblimet jotransparente, të pamjaftueshme, qëndrueshmëria e programeve në gjuhët jo-shumicë dhe prania e dobët në internet” thuhet në raport – LINK.