Rama viziton Tregun e Gjelbër pas përfshirjes nga zjarri

Kryetari i Prishtinës, Përparim Rama, ka vizituar Tregun e Gjelbër, pasi mbrëmjen e së enjtes u përfshi nga zjarri ku si pasojë janë djegur disa lokale dhe tezga.

TV Dukagjini ka siguruar pamje të gjendjes së kioskave pas përfshirjes nga zjarri.

Ndryshe, të enjten këtë rast për Portalin Dukagjini e ka konfirmuar zëdhënësja e Policisë për Rajonin e Prishtinës, Flora Ahmeti.

Ajo ka deklaruar se nuk ka persona të lënduar, por vetëm dëme materiale.

“Sot rreth orës 22:00 kemi pranuar informatën për një incident zjarri në tregun e gjelbër në Prishtinë. Në vendngjarje janë zjarrfikësit dhe policia, të cilët po merren me rastin. Bazuar në të dhënat e deritanishme, është raportuar vetëm për dëme materiale”, ka thënë Ahmeti./Dukagjini