Rahovec, raportohet në Polici një vrasje në tentativë

Dy burra në Rahovec e kanë njoftuar Policinë se derisa ishin duke bartur dru, në drejtim të tyre kanë shtënë me armë dy persona të panjohur, të maskuar e të veshur me uniforma ushtarake.

Sipas Policisë, rasti ka ndodhur më 30.10.2024, rreth orës 13:30.

Policia njofton se ekipet e tyre kanë dalur në vendin e ngjarjes dhe kanë gjetur e sekuestruar 7 gëzhoja të kalibrit 7.62mm.

“Nuk raportohet për të lënduar. Rasti në hetime” – ka njoftuar Policia, më 31.10.2024.

Rasti është inicuar si ‘Vrasje në tentativë’.