Ilustrim
Rahovec - Gjatë orës policore luajnë futboll, arrestohen 21 persona
11.4.2020 - 10:50
21 persona janë arrestuar në fshatin Gexhë të Komunës së Rahovecit. Të njëjtit gjatë orës policore ishin mbledhur në një qendër sportive dhe po luanin futboll.
Policia ka njoftuar se 18 prej tyre janë dërguar në mbajtje derisa tre prej tyre janë liruar.
“Janë arrestuar 21 të dyshuar meshkuj kosovarë pasi që të njëjtit janë takuar në palestrën e sportit, disa duke luajtur me top dhe disa shikues të cilët nuk e kanë respektuar masat e ndërmarra për mbrojtje nga epidemia”, ka njoftuar Policia.
“Me vendim të prokurorit (18) tetëmbëdhjetë janë dërguar në mbajtje ndërsa tre të tjerët janë liruar”, thuhet në njoftim.