Qytetari raporton në Polici se i janë vjedhur dollarë përmes një transaksioni bankar
27.10.2022 - 09:56
Një person në Obiliq ka raportuar në Polici se i janë vjedhur para përmes një transaksioni bankar.
Sipas Policisë, i njëjti ishte duke kryer një pagesë për një kompani që operon jashtë Kosovës.
Dyshohet se një person i tretë i panjohur ka ndërhyrë në mënyrë të kundërligjshme duke modifikuar faturat dhe ka bërë tërheqjen e shumës së parave, thuhet në raportin e Policisë.
Lidhur me rastin është informuar edhe prokurori.
Njësitet policore kompetente janë duke hetuar rastin, ka njoftuar PK-ja.