Qytetarët tashmë mund të pajisen me certifikatën e evidencës penale nga shtëpia

Këshilli Gjyqësor i Kosovës në një projekt të përkrahur nga Bashkimi Evropian ka prezantuar sot  platformën online të Sistemit Qendror të Evidencës Penale për nxjerrjen e certifikatës së gjendjes penale.

Finalizimi i këtij projekti gjashtë vjeçar do t`u mundësoj qytetarëve të vendit që të nxjerrin certifikatën e gjendjes penale nga shtëpia apo zyra duke u qasur online, brenda disa minutave, pa pasur nevojë të shkojnë fizikisht në Gjykatë.

Për realizimin e kësaj platforme u tha se u bë një punë e madhe pasi që evidenca penale e të gjithë personave të dënuar qysh prej vitit 1999 e deri më tani ka kaluar nga regjistrat fizik në atë digjital.

Në këtë ceremoni të përurimit u tha se evidenca gjatë gjithë kohës do të përditësohet me të dhëna të reja.

Shërbimin mund ta merrni duke klikuar në LINK