Kartela bankare, Foto: Pixabay
Qytetares iu keqpërdorën rreth 20 mijë euro me blerje online
20.5.2022 - 10:50
Një grua ka raportuar në Policinë e Kosovës se i janë keqpërdorur rreth 20 mijë euro nga llogaria e saj bankare.
Ajo ka njoftuar se është mashtruar nga një person i panjohur, i cili nga llogaria e saj bankare ka keqpërdorur paratë duke kryer blerje online.
Sipas Policisë, ngjarja ka ndodhur në Prishtinë më 18 maj, rreth orës 01:20 dhe është duke u hetuar nga njësitë relevante.
Rasti është iniciuar si mashtrim.
