Foto: Denis Sllovinja/KALLXO.com
Qeveria vazhdon mandatin e dy anëtareve të Komisionit për kompensimin e viktimave të krimit
Qeveria e Kosovës ka marrë vendim për vazhdimin e mandatit për dy anëtare të Komisionit për kompensimin e viktimave të krimit.
Sipas këtij vendimi, anëtareve Shukrije Statovci dhe Valbona Çitaku do u vazhdohet mandati edhe për tri vite.
Ministrja e Drejtësisë Albulena Haxhiu ka paraqitur kërkesën para kabinetit qeveritar.
“Paraqes para jush propozim vazhdimin e një mandati tjetër për anëtaret e Komisionit për viktimat e krimit në përbërje prej Shukrije Statovci eksperte mjekësore nga Oda e mjekëve të Kosovës dhe anëtaren Valbona Çitaku nga shoqëria civile”- ka thënë ajo.
Ajo ka thënë se që nga viti 2021 ne si ministri kemi ndarë 250 mijë euro për kompensimin e viktimave të krimit.
Qeveria e Kosovës më 20 prill 2020 ka emëruar pesë anëtarë të Komisionit për kompensimin e Viktimave të Krimit.
Anëtarët e komisionit janë emëruar më mandat tre vjeçar.