Qeveria ndan paratë për orët shtesë të policëve
2 milionë e 52 mijë euro janë ndarë nga kursimet dhe ndarjet buxhetore për zyrtarët policorë të Kosovës.
Kjo për shkak se të njëjtëve do t’u paguhen orët shtesë të cilat i kanë kryer jashtë orarit të punës vitin e kaluar.
Për vendimin ka njoftuar edhe Kryeministri në detyrë, Ramush Haradinaj.
“Qeveria sot vendosi gjithashtu që nga kursimet dhe ndarjet buxhetore të këtij viti të ndajë shumën prej 2 milionë e 52 mijë euro për kompensimin e shtesave në pagë për punën jashtë orarit për Policinë e Kosovës gjatë vitit 2018”, ka njoftuar Haradinaj.
Tutje ai shtoi edhe se në mbledhjen e sotme është miratuar edhe rregullorja për shtesën e rrezikshmërisë në punë për Policinë e Kosovës që do të hyjë në zbatim bashkë me Ligjin e Pagave.
KALLXO.com ka raportuar edhe për buxhetet e tjera të cilat janë ndarë edhe viteve të kaluara për pagesën e orëve shtesë të zyrtarëve policor.
Qeveria ndan paratë për kompensimin e orëve shtesë të policisë