Ana Bërnabiq - Foto: REL
Qeveria e Serbisë planifikon hapjen e një laboratori të testimeve për COVID në Kosovë
05.8.2020 - 16:55
Kryeministrja e Serbisë, Ana Bërnabiq, ka paralajmëruar sot se qeveria serbe po planifikon që ta hapë një laborator për testime të coronavirusit brenda Kosovës.
Sipas saj, laboratori pritet të hapet në Mitrovicën e Veriut.
Në një konferencë për shtyp të mbajtur sot në Beograd, Bërnabiq ka thënë se hapja e këtij laboratori në Mitrovicë është prioritet për qeverinë serbe, transmeton RTS.
Ajo tha se hapja e nëntë laboratorëve të rinj për coronavirus po bëhet “për t’u përgatitur më mirë për valën e vjeshtës”.